Engineering Sarathi
Menu

सार्वजनिक खरिद सूचना

बोलपत्रको औसत अंकमा अनुचित प्रभाव र मिलेमतोबारे PPMO को निर्देशन

प्रकाशन तथा निर्णय मिति: २०८३/०६/०१ (१ असोज २०८३) · चलानी नं.: सा.नि.प.से.ख./३०६

जारी गर्ने निकाय: सार्वजनिक खरिद अनुगमन कार्यालय, सार्वजनिक निर्माण तथा परामर्श सेवा खरिद अनुगमन शाखा। सम्बोधन: सबै सार्वजनिक निकाय।

सूचनाको सार

सार्वजनिक खरिद ऐन, २०६३ को दोस्रो संशोधनपछि बोलपत्रको औसत अंकलाई अनुचित प्रभाव पार्न लागत अनुमानभन्दा बढी कबोल अंकसहित प्रस्ताव पेश भएको जानकारी प्राप्त भएको PPMO ले जनाएको छ।

ऐनको दफा २५(७क) बमोजिम मूल्यांकन गर्दा दफा ६२(२)(च) को मिलेमतो निषेधसम्बन्धी व्यवस्था ध्यानमा राख्न सूचनाले स्मरण गराएको छ। खरिदको काम बाँडफाँड गर्ने, मूल्य कृत्रिम वा अप्रतिस्पर्धी बनाउने वा सार्वजनिक निकायलाई खुला तथा स्वतन्त्र प्रतिस्पर्धाको लाभबाट वञ्चित गर्ने उद्देश्यले प्रस्ताव पेश गर्नुअघि वा पछि मिलेमतो वा गुटबन्दीमा संलग्न हुन नहुने व्यवस्था छ। नमुना बोलपत्र कागजातको ITB 3, Fraud and Corruption अन्तर्गत 3.2(f) मा समेत सो व्यवस्था रहेको सूचनामा उल्लेख छ।

ऐनको दफा २६(६) अनुसार, सो दफामा अन्यत्र जुनसुकै कुरा लेखिएको भए तापनि बोलपत्रदाताले आपसमा मिलेमतो गरी बोलपत्र दाखिला गरेको प्रमाणित भएमा त्यस्ता बोलपत्र रद्द हुनेछन्।

सार्वजनिक खरिद नियमावली, २०६४ को नियम १४४(ख) को प्रयोजनार्थ सबै सार्वजनिक निकायलाई खरिद क्रियाकलापसम्बन्धी प्रतिवेदनमा उल्लिखित विषयबमोजिम प्रतिवेदन गर्न २०८३/०६/०१ को सचिवस्तरीय निर्णयअनुसार निर्देशन दिइएको छ।

Engineering Sarathi को स्पष्टीकरण

लागत अनुमानभन्दा बढी कबोल अंक हुनु र मिलेमतो प्रमाणित हुनु एउटै कुरा होइन। सूचनामा उल्लेखित रद्द गर्ने व्यवस्थामा मिलेमतो प्रमाणित भएको हुनुपर्ने सर्त छ। यस सूचनालाई बढी कबोल अंक भएका सबै बोलपत्र स्वतः रद्द गर्ने निर्देशनका रूपमा नबुझ्नुहोस्।

यो सूचना बोलपत्रको म्याद थप वा e-GP प्रणालीको हालको सञ्चालन अवस्थाबारे होइन। माथिको सार तथा स्पष्टीकरण Engineering Sarathi ले तयार गरेको हो; आधिकारिक शब्दावली र निर्देशनका लागि तलको मूल सूचना पढ्नुहोस्।

आधिकारिक स्रोत र मूल सूचना

PPMO को सूचना पृष्ठ · PPMO बाट मूल PDF

सुरक्षित प्रति डाउनलोड गर्नुहोस् (मूल PDF)

PPMO को २०८३/०६/०१ को मूल सूचना: औसत अंकमा अनुचित प्रभाव, मिलेमतो निषेध र प्रतिवेदनसम्बन्धी निर्देशन

अघिल्लो सूचना: २०८३/०५/३१ को हुलाकमार्फत बोलपत्रसम्बन्धी सूचना

PPMO कार्यविधि · २०८३/०७/२७

श्रमिकको पारिश्रमिक तथा सामाजिक सुरक्षासम्बन्धी नयाँ कार्यविधि

PPMO ले सार्वजनिक खरिदमा आबद्ध श्रमिकको दर्ता, न्यूनतम पारिश्रमिक, सामाजिक सुरक्षा, बीमा, कार्यस्थल सुरक्षा, अभिलेख र गुनासोसम्बन्धी २०८३ को कार्यविधि प्रकाशित गरेको छ।

लागू हुने समय: कार्यान्वयनमा रहेका साविक सम्झौतामा सोही सम्झौताको व्यवस्था कायम रहन सक्छ; नयाँ दर र दफा ३०(२) मा सूचीकृत व्यवस्था कार्यविधि प्रारम्भ भएपछि बोलपत्र आह्वान हुने खरिदमा लागू हुन्छन्।

Engineering Sarathi को सार। आधिकारिक विवरणका लागि मूल सूचना पढ्नुहोस्।

पूरा विवरण पढ्नुहोस्मूल कार्यविधि (PDF)